மறக்க முடியாமல் தவிக்கிறேன்...

முதற்முதலாய் உன்னிடம் 

பேச எண்ணித் தயங்கி 

பேசிய வார்த்தைகள்... 

உன்னைத் தாவணியில் 

பார்த்து மயங்கிய விழிகள்... 

செய்முறை வகுப்புகளில் 

உன்னருகில் இடம் தேடி 

வந்தமர்ந்த தருணங்கள்... 

நண்பர்களின் கைபேசியை கடன் வாங்கி,

குறுஞ்செய்தி மூலம் நாம் 

செய்த உரையாடல்கள்...  

இருவரும் போட்டி போட்டு

படித்து தேறிய தேர்வுகள்... 

உடற்நலம் பெறவேண்டி நீ 

எனக்காக செய்த பிராத்தனைகள்... 

என் வீட்டிற்கு வந்து 

ஒன்றாக உணவருந்தி 

விளையாடி மகிழ்ந்த மணித்துளிகள்... 

உன் நண்பனோடு நீ 

பேசுவதைக் கண்டு 

கோபம் கொண்ட நிமிடங்கள்... 

எதிர்பாராத நேரத்தில் 

உன் வீட்டிற்கு வந்து 

உன்னை இன்ப அதிர்ச்சியில் 

ஆழ்த்திய நொடிகள்... 

இப்படி உன்னால் என் 

மனதில் பதிந்த நினைவுகளையும், 

என் காதலை ஏற்க மறுத்து 

என்னுள் நீ ஏற்படுத்திய வலியையும்,

மறக்க எத்தனித்து முயற்சிக்கிறேன்,

மறக்க முடியாமல் தவிக்கிறேன்...